قوة الكرلا 142 حصان مينا

السلام عليكم و رحمة الله




في سوقنا المصري حاجات غريبة بيكون فيها إستغلال للناس اللي بتنبهر بالإعلانات و من الضحايا الناس - و أنا كنت منهم - اللي فاكرين أن محرك الكوروللا الجديدة الـ1.6 لتر قوته 142 حصان , طيب أزاي يمكن إثبات الكلام ده , أول حاجة خش على الموقع ده www.toyota-mideast.com و هو موقع تويوتا الشرق الأوسط و مش هتلاقي فيه مصر لأنها تعتبر من شمال أفريقيا مش في منطقة تويوتا الجغرافية للشرق الأوسط و لما تدخل على الكوروللا مش هتلاقي قوة الموتور 142 حصان خالص و إن كان هنا علامة إستفهام , لكن لو لاحظت أن في إعلانات وكيل تويوتا في مصر هتلاقي أنهم بيقولوا أن المحرك ده حصريا للسوق المصري على مستوى الأسواق العربية ؟ , طيب كلنا عارفين أن تويوتا كوروللا من التوكيل بتيجي من جنوب أفريقيا , يبقى لو دخلنا على موقع جنوب أفريقيا هنلاقي العربية و المواصفات ذي اللي هنا , لكن لما تخش على الموقع هناك و هو www.toyota.co.za هتلاقي أن قوة المحرك المذكورة هي 124 حصان ؟ و قوة المحرك الـ1.4 أقل كمان ؟ طيب أزاي , يمكن يكون الحكاية في عنينا اللي مش شايفه كويس , يبقى ندخل على موقع تويوتا مصر , أكيد يكون فيه الحقيقة و هو www.toyotaegypt.com.eg هنلاقي المفاجأة و هي أن نفس قوة المحرك و كل حاجة في موقع جنوب أفريقيا موجودة في موقع مصر , لكن لما تخش على اللينك اللي من الصفحة الرئيسية و فيها صورة كوروللا فلاش هتلاقي أن مواصفاتها هي اللي بتتقال في الإعلانات , و آخر حاجة قعدت أدور في النت على المحرك Dual VVt-i الجديد اللي بيتقال عليه في الموديل الجديد و لم أجد القوة الحصانية دي , نفسي تدوروا معايا و شوفوا المواقع يمكن تكون عنيا ما بتشوفش كويس أكمني لابس نضاره و يا ريت يكون فيه حياد و ما تخدناش الحمية


السلام عليكم و رحمة الله
__________________